Author
Dr Gajanana Sharma
ಡಾ. ಗಜಾನನ ಶರ್ಮ ಅವರು ಕನ್ನಡ ಸಾಹಿತ್ಯ ಮತ್ತು ರಂಗಭೂಮಿ ಕ್ಷೇತ್ರಗಳಲ್ಲಿ ವಿಶಿಷ್ಟ ಕೊಡುಗೆ ನೀಡಿರುವ ಕಾದಂಬರಿಕಾರ, ನಾಟಕಕಾರ, ನಿರ್ದೇಶಕ ಹಾಗೂ ಅನುವಾದಕರಾಗಿದ್ದಾರೆ. ಹಂಪಿ ಕನ್ನಡ ವಿಶ್ವವಿದ್ಯಾಲಯದಿಂದ ‘ಕನ್ನಡದಲ್ಲಿ ಮಕ್ಕಳ ನಾಟಕ ಮತ್ತು ರಂಗಭೂಮಿ’ ವಿಷಯದ ಮಹಾಪ್ರಬಂಧಕ್ಕೆ ಪಿ.ಎಚ್.ಡಿ. ಪದವಿ ಪಡೆದಿರುವ ಅವರು, ವೃತ್ತಿಯಿಂದ ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮದ ನಿವೃತ್ತ ಅಧೀಕ್ಷಕ ಅಭಿಯಂತರರಾಗಿದ್ದಾರೆ. ‘ಚೆನ್ನಭೈರಾದೇವಿ’, ‘ಪುನರ್ವಸು’, ‘ಪ್ರಮೇಯ’ ಹಾಗೂ ‘ರಾಜಮಾತೆ ಕೆಂಪನಂಜಮ್ಮಣಿ’ ಮೊದಲಾದ ಕಾದಂಬರಿಗಳ ಮೂಲಕ ಇತಿಹಾಸ, ಸಂಸ್ಕೃತಿ ಮತ್ತು ಸಮಾಜಜೀವನವನ್ನು ಸಾಹಿತ್ಯದಲ್ಲಿ ಪರಿಣಾಮಕಾರಿಯಾಗಿ ಚಿತ್ರಿಸಿದ್ದಾರೆ. ಮಕ್ಕಳ ನಾಟಕಗಳು, ಅನುವಾದ ಕೃತಿಗಳು, ಜೀವನಚರಿತ್ರೆಗಳು ಹಾಗೂ ಪ್ರವಾಸ ಕಥನಗಳ ಮೂಲಕವೂ ಅವರು ಕನ್ನಡ ಸಾಹಿತ್ಯವನ್ನು ಶ್ರೀಮಂತಗೊಳಿಸಿದ್ದಾರೆ. ಅವರ ಸಾಹಿತ್ಯಸೇವೆಗೆ 2021ರ ಶಿವರಾಮ ಕಾರಂತ ಪುರಸ್ಕಾರ, ವರ್ಧಮಾನ ಸಾಹಿತ್ಯ ಪ್ರಶಸ್ತಿ ಹಾಗೂ 2022ರ ಮಾಸ್ತಿ ಕಾದಂಬರಿ ಪುರಸ್ಕಾರ ಸೇರಿದಂತೆ ಅನೇಕ ಗೌರವಗಳು ಲಭಿಸಿವೆ.
