Gururaj Sanil

Gururaj Sanil

ಜೀವದಯೆ ಮತ್ತು ಪರಿಸರ ಪ್ರೀತಿಗೆ ಇನ್ನೊಂದು ಹೆಸರೇ ಆಗಿರುವ ಗುರುರಾಜ್ ಸನಿಲ್ ಅವರು ನಾಡಿನ ಶ್ರೇಷ್ಠ ಉರಗ ತಜ್ಞರಲ್ಲಿ ಒಬ್ಬರು. ಕರಾವಳಿ ಭಾಗಕ್ಕೆ ಇವರ ಬೇಡಿಕೆ ಇರುವಷ್ಟೇ ಅಖಿಲ ಕರ್ನಾಟಕ ಮಟ್ಟದಲ್ಲಿ ಇವರ ಜೀವನಾನುಭವಗಳ ಬಳಕೆ, ಉಪನ್ಯಾಸ ಹಾಗೂ ಪ್ರಾತ್ಯಕ್ಷಿಕೆಗೆ ಬೇಡಿಕೆ ಇದೆ. ನಗರೀಕರಣ, ಮಾನವಕ್ರೌರ್ಯ ಮತ್ತು ಸಾಕುಪ್ರಾಣಿಗಳಿಂದ, ಘಾಸಿಗೊಳ್ಳುವ ಸಾವಿರಾರು ಹಾವುಗಳಿಗೆ ಸೂಕ್ತ ಶುಶ್ರುಷೆ ನೀಡುತ್ತಿರುವುದರೊಂದಿಗೆ, ಅನೇಕ ಕಾರಣಗಳಿಂದ ನೆಲೆ ಕಳೆದುಕೊಳ್ಳುವ ಹಾವುಗಳ ಮೊಟ್ಟೆಗಳನ್ನು ರಕ್ಷಿಸಿ ತಂದು, ಸೂಕ್ತ ಕಾವು ನೀಡಿ ಮರಿಗಳು ಜನಿಸುವಂತೆ ಮಾಡುತ್ತಿರುವ ಹೆಗ್ಗಳಿಕೆಯೂ ಇವರದ್ದಾಗಿದೆ.

ಮೂಲತಃ ಉಡುಪಿ ಜಿಲ್ಲೆಯ ತೆಂಕುಪೇಟೆ ಎಂಬಲ್ಲಿ ಜನಿಸಿದ ಇವರ ತಂದೆ ಶೇಷಪ್ಪ ತಾಯಿ ಸುಂದರಿ. ಇವರು ತಮ್ಮ ಪ್ರಾಥಮಿಕ ಶಿಕ್ಷಣ ಉಡುಪಿಯ ಕಡಿಯಾಳಿ ಶಾಲೆಯಲ್ಲಿ ಮತ್ತು ಪ್ರೌಢ ವಿದ್ಯಾಭ್ಯಾಸವನ್ನು ಮುಂಬೈ ಪೋರ್ಟ್ ಹೈಸ್ಕೂಲಿನಲ್ಲೂ ಪೂರೈಸಿದರು.

ಶಾಲಾ ದಿನಗಳಲ್ಲಿ ವಿಜ್ಞಾನ ಶಿಕ್ಷಕ ದಾಮೋದರ ಆಚಾರ್ಯರು ಶಾಲೆಯಲ್ಲಿ ಸಾಕುತಿದ್ದ ಹೆಬ್ಬಾವಿನ ಬಗ್ಗೆ ಹುಟ್ಟಿದ ಕುತೂಹಲ ಅವರನ್ನು ಹಾವುಗಳ ಒಡನಾಟಕ್ಕೂ, ಜೀವನಕ್ರಮದ ಅಭ್ಯಾಸಕ್ಕೂ ಪ್ರೇರೇಪಿಸಿತ್ತು. ಕಳೆದ 38 ವರ್ಷಗಳಲ್ಲಿ ಸಾರ್ವಜನಿಕರಿಗೆ ಆತಂಕ ಹುಟ್ಟಿಸಿದ 25 ಸಾವಿರಕ್ಕೂ ಮಿಕ್ಕ ಹಾವುಗಳನ್ನು ಹಿಡಿದು ಸಂರಕ್ಷಿಸಿದ ದಾಖಲೆ ಇವರದ್ದಾಗಿದ್ದು, ಅದರಲ್ಲಿ 16 ಅಡಿ ಉದ್ದದ 55 ಕಾಳಿಂಗ ಸರ್ಪಗಳೂ ಸೇರಿವೆ.

Books By Gururaj Sanil