ರಾಮ್ ಕದಮ್ (ಜನನ ೨೪ ಜನವರಿ ೧೯೭೨) ಒಬ್ಬ ಭಾರತೀಯ ಮಾಜಿ ಸಾಮಾಜಿಕ ಕಾರ್ಯಕರ್ತ ಮತ್ತು ರಾಜಕಾರಣಿ, ಪ್ರಸ್ತುತ ಭಾರತೀಯ ಜನತಾ ಪಕ್ಷ (ಬಿಜೆಪಿ)ಕ್ಕೆ ಸೇರಿದ್ದಾರೆ. ಅವರು ೨೦೦೯, ೨೦೧೪ ಮತ್ತು ೨೦೧೯ ರಲ್ಲಿ ಘಾಟ್ಕೋಪರ್ ಪಶ್ಚಿಮ ವಿಧಾನಸಭಾ ಕ್ಷೇತ್ರದಿಂದ ಶಾಸಕರಾಗಿ ಆಯ್ಕೆಯಾಗಿದ್ದಾರೆ. ರಾಮ್ ಕದಮ್ ಅವರ ಶಿಕ್ಷಣದ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲ. ಕದಮ್ 2009 ರಲ್ಲಿ ಎಂಎನ್ಎಸ್ ಸೇರಿದರು ಮತ್ತು ಘಾಟ್ಕೋಪರ್ ಪಶ್ಚಿಮದ ಶಾಸಕರಾಗಿ ಆಯ್ಕೆಯಾದರು. 2014 ರಲ್ಲಿ, ಅವರು ಎಂಎನ್ಎಸ್ ತೊರೆದು ಭಾರತೀಯ ಜನತಾ ಪಕ್ಷವನ್ನು ಸೇರಿ 2014 ರ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ಟಿಕೆಟ್ ಪಡೆದು ಸ್ಪರ್ಧಿಸಿದರು. ಅವರು ಭರ್ಜರಿ ಗೆಲುವು ಸಾಧಿಸಿದರು. ಜೂನ್ 2019 ರಲ್ಲಿ, ಮೈತ್ರಿ ಪಾಲುದಾರರಿಂದ ಬಂದ ಊಹಾಪೋಹಗಳ ನಂತರ “ದೇವೇಂದ್ರ ಫಡ್ನವೀಸ್ ಮಹಾರಾಷ್ಟ್ರದ ಮುಂದಿನ ಮುಖ್ಯಮಂತ್ರಿಯಾಗುತ್ತಾರೆ” ಎಂದು ಕದಮ್ ಹೇಳಿದರು. ಅವರು ಅಕ್ಟೋಬರ್ 2019 ರಲ್ಲಿ ನಡೆದ ವಿಧಾನಸಭಾ ಚುನಾವಣೆಯಲ್ಲಿ ಗೆದ್ದರು. 2009 ರಲ್ಲಿ ಅವರು ಮೊದಲ ಬಾರಿಗೆ ಎಂಎನ್ಎಸ್ ಪಕ್ಷದ ಸದಸ್ಯರಾಗಿ ಶಾಸಕರಾದಾಗ, ಅವರನ್ನು ವಿಧಾನಸಭೆಯ ಉದ್ಘಾಟನಾ ದಿನದಂದು 4 ವರ್ಷಗಳ ಕಾಲ ಅಮಾನತುಗೊಳಿಸಲಾಯಿತು.  ಕದಮ್ 2014 ರಲ್ಲಿ ಎಂಎನ್ಎಸ್ ತೊರೆದು ಬಿಜೆಪಿ ಸೇರಿದರು. ಮುಂಬೈನಲ್ಲಿ ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡುವ ಕಾವಲುಗಾರರು, ಲಿಫ್ಟ್‌ಮೆನ್‌ಗಳಿಗೆ ಉಚಿತ ‘ಓಡೋಮೊಸ್’ ವಿತರಣೆಯನ್ನು ಅವರು ಪ್ರಾರಂಭಿಸಿದರು. ಅವರು ತಿರುಪತಿಗೆ ತೀರ್ಥಯಾತ್ರೆ ಪ್ರವಾಸ ಮತ್ತು ಮೊದಲ ಬಾರಿಗೆ ಮತದಾರರಾಗಿ ನೋಂದಾಯಿಸಿಕೊಳ್ಳುವ ಯುವಕರಿಗೆ ಚಾಲನಾ ತರಗತಿಗಳನ್ನು ಸಹ ಆಯೋಜಿಸಿದ್ದಾರೆ.